Birtan – sálfræðiþjónusta

Guðlaug Ásmundsdóttir, kölluð Lauga, er sálfræðingurinn að baki Birtunni -sálfræðiþjónustu.

Lauga (persónufornafn: hún) hóf störf sem sálfræðingur árið 2004. Hún hefur unnið mest að málefnum barna frá þeim tíma; við ráðgjöf, greiningarvinnu, meðferð og námskeiðahald. Sérþjálfun í ýmsum greiningarmálum eins og einhverfu, þroskavanda, ADHD, áföllum, kvíða og vanlíðan. Lauga er vön vinnu með börnum og fullorðnum – frá tveggja ára og langt fram eftir aldri. Hún hefur lokið tveggja ára sérnámi í hugrænni atferlismeðferð, auk þess að læra á og fá sérstaka þjálfun og handleiðslu í fleiri meðferðarleiðum.

Fyrri störf

Meðal fyrri vinnustaða eru Geðheilsumiðstöð barna, Ráðgjafar- og greiningarstöð, sérfræðiþjónusta leikskóla og grunnskóla í Kópavogi og á Akranesi, og Heilbrigðisstofnun Vesturlands (HVE).

Ásamt störfum sínum hjá Birtunni – sálfræðiþjónustu starfar Lauga hjá Janusi endurhæfingu.

Menntun

B.A. gráða í sálfræði frá Háskóla Íslands (2001).

Cand.Psych. gráða frá Háskóla Íslands og löggilding (2003). 

Heiti lokaverkefnis: Einhverfa og aðrar gagntækar þroskaraskanir hjá börnum á leikskólaaldri. Framvinda í vitsmunaþroska og tengsl við afturför og einkennafræði. 

Lokaverkefnið fór svo með öðru inn í ritrýndu rannsóknina: 

Jónsdóttir, S. L., Saemundsen, E., Asmundsdóttir, G., Hjartardóttir, S., Asgeirsdóttir, B. B., Smáradóttir, H. H., Sigurdardóttir, S., & Smári, J. (2007). Follow-up of children diagnosed with pervasive developmental disorders: stability and change during the preschool years. Journal of autism and developmental disorders, 37(7), 1361–1374. https://doi.org/10.1007/s10803-006-0282-z 

Sérnám í hugrænni atferlismeðferð við Endurmenntun Háskóla Íslands (2021).

EMDR nám og þjálfun (Level 1 árið 2022 & Level 2 árið 2023).

DBR nám og þjálfun (Level 1, 2 og 3 árið 2024).

Símenntun

Regluleg handleiðsla hjá sérfræðingum.

Síðustu námskeið:

September 2024 – Deep Brain Reorienting (DBR) – Level 3, með dr. Frank M. Corrigan.

Júní 2024 – Deep Brain Reorienting (DBR) – Level 2, með dr. Frank M. Corrigan.

Apríl 2024 – Deep Brain Reorienting (DBR) – Level 1, með dr. Frank M. Corrigan (sjá https://deepbrainreorienting.com/).

Apríl 2024 – Námskeiðið Integrated treatment of chronic pain and health conditions: Utilizing advanced EMDR approaches and nervous system-driven skills með Gary Brothers LCSW.

Febrúar 2024 – Unnið með parta: Námskeið fyrir EMDR meðferðaraðila með Gyðu Eyjólfsdóttur Ph.D og Margréti Blöndal hjúkrunarfræðingi.

September 2023 – Námskeiðið Complex Trauma and Dissociation: Effectively Treating „Parts“ með Kathy Martin, LCSW. 

Mars 2023 – Námskeiðið ART of EMDR með Roger Solomon, Ph.D.

Mars 2023 – Námskeiðið The Theory of Structural Dissociation of the Personality – using EMDR therapy and “Parts” work in the treatment of Complex Trauma, með Roger Solomon, Ph.D.

Apríl 2022 – Námskeiðið Treating Traumatic Attachment to the Perpetrator, með Roger Solomon, Ph.D.

Félagsaðild

Lauga er meðlimur í Sálfræðingafélagi Íslands, Félagi sálfræðinga um hugræna atferlismeðferð, Félagi sjálfstætt starfandi sálfræðinga og í fagfélagi EMDR meðferðaraðila á Íslandi.

Hjá Birtunni geta börn og fullorðnir fengið almenna sálfræðiþjónustu, ráðgjöf og meðferð vegna hvers kyns vanlíðunar og álags.

Hjá Birtunni – sálfræðiþjónustu eru ekki gerðar athuganir á vitsmunaþroska barna/unglinga eða formlegar frumgreiningar á þroskafrávikum, ADHD eða einhverfu. 

Það er þó sjálfsagt að mæta með slíkar spurningar í viðtal og fá raunhæfar upplýsingar um það hvort ástæða sé til þess að óska eftir slíkri athugun, hjá skólasálfræðingum/sjálfstætt starfandi sálfræðingum sem sinna slíkri greiningarvinnu. 

Áhersla er á faglega og hlýlega þjónustu í samræmi við klínískar leiðbeiningar og viðurkennt verklag. Meðferðarleiðirnar sem Lauga notar og hefur þjálfun í eru hugræn atferlismeðferð (HAM), EMDR og DBR. Meðferðarleiðirnar eru mikið rannsakaðar og hafa sýnt fram á gildi sitt. HAMið (á ensku Cognitive Behavioral Therapy – CBT) er til í ýmiskonar útfærslum, fyrir ósértækan og sértækan vanda.

Þær meðferðarleiðir sem Lauga hefur sérstaka þjálfun í, umfram aðrar, eru:

Áfallamiðuð hugræn atferlismeðferð fyrir 3-18 ára (TF-CBT, eftir Cohen, Mannarino og Deblinger): til dæmis https://www.nctsn.org/interventions/trauma-focused-cognitive-behavioral-therapy 

Val fyrir fjölskyldur; hugræn atferlismeðferð (AF-CBT), vegna harkalegra samskipta í fjölskyldum: https://www.afcbt.org/ 

EMDR (Eye Movement Desensitization and Reprocessing) er heildstæð sálfræðileg meðferð sem var þróuð til að vinna úr afleiðingum áfalla: til dæmis https://www.emdr.is/

DBR (Deep Brain Reorienting) áfallameðferð: https://deepbrainreorienting.com/

Um fjarviðtöl

Á covid tímabilinu þróuðust fjarviðtöl fyrir sértækar meðferðarleiðir hratt og heilmargar rannsóknir hafa verið gerðar á gagnsemi þeirra. Þær benda í stuttu máli til þess að fjarviðtöl nýtist vel, eins og viðtöl á staðnum, til að bæta líðan skjólstæðinga, bæði barna og fullorðinna. 

Meðferðarleiðirnar sem Lauga notar helst hafa verið aðlagaðar að fjarviðtölum og gagnsemi þeirra verið rannsökuð, hvort tveggja með góðum árangri.

Vinsamlegast hafið samband vegna viðtalsbókana og breytinga/afbókana:

Í síma 534-8617 frá klukkan 8 til 17 alla virka daga. 

Í tölvupósti á ritari@birtan.is.

Vinsamlegast munið afbókanir/breytingar á tímabókunum að minnsta kosti 24 klukkustundum fyrir viðtalið, annars verður rukkað fyrir viðtalið. 

Ef sérstakar fyrirspurnir eða vangaveltur eru þá sjá ritarar um að koma þeim áfram til sálfræðingsins.